د ننګرهار دکرنې رییس د شیشم باغ څېړنیز فارم څخه لیدنه وکړه
۱ سلواغه ۱۴۰۲ه.ش
۹ رَجَب المُرَجَّب ۱۴۴۵ ه.ق
د ننګرهار د کرنې، اوبولګولو او مالدارۍ رییس مولوي عبدالستار محمد په شیشم باغ څېړنیز فارم کې د شته تجروبو او جوارو پاک کارۍ چارو څخه لیدنه و کړه.
ددې لیدنې په ترڅ کې د څېړنیز فارم مسؤل شکیب عطایي د شیشم باغ فارم د غله جاتو د ۲۳ تجروبو او نور اړونده تجروبو په برخه کرنې رییس ته معلومات وړاندې کړ.
دغه راز عطایي په څېړنیز فارم کې شته ستونزو او لاسته راوړنو په تړاو معلومات وړاندې کړ.
د ننګرهار د کرنې، اوبولګولو او مالدارۍ رییس مولوي عبدالستار محمد په څېړنیز فارم کې د روانو فعالیتونو څخه خوښي وښوده او د هر راز همکارۍ ډاډ یې ورکړ.
د ننګرهار شیشم باغ څېړنیز فارم چې ۵۰ جریبه ځمکه لري هر کال د غلو دانو،سبو، پلي داره نباتاتو، تېلي او صنعتي نباتاتو په برخه کې سلګونه تجروبي ترسره کوي.
