اروزګان کې د نویو پروژو پلي کولو په پار غونډه دائره شوه

۲۶ مرغومې ۱۴۰۲ه‍.ش
۴ رَجَب المُرَجَّب ۱۴۴۵ ه‍.ق
د اروزګان دکرنې، اوبولګولو او مالدارۍ ریاست سرپرست مولوی فاروقي د افغانستان د بیاودانولو مؤسسې له چارواکو سره په کتنه کې د نویو پروژو پر پلي کولو خبرې اترې وکړې.
په دې کتنه کې د اروزګان دکرنې سرپرست مولوی فاروقي د اروزګان په ولایت کې د یادې مؤسسې کړنې او فعالیتونه وستایل او د نویو پروژو د پلي کولو په موخه یې اړوندو چارواکو ته لازمې لارښوونې وکړې.
په همدې حال کې د افغانستان د بیا ودانولو مؤسسې چارواکو وویل، چې ددې مؤسسې په همکارۍ به په دې ولایت کې ۱۴ ګبیوني چکډمونه، ۱۳ ګودرونه او یوشمېر ترنچونه ورغول شي.
ټاکل شوې د دغو چکډمونو، ګودرونو او ترنچونو رغنیزې چارې په ډېر ژر پیل او سلګونه جریبه کرنیزه ځمکه به خړوبه کړي.
د يادو چکډمونو د رغنیزو چارو په پيل سره د اروزګان ولایت لسګونو اوسېدونکو ته د لنډې مودې لپاره د کار زمينه هم برابرېږي.
باید وویل شي، چې یاده مؤسسه تر دې وړاندې هم ددې ولایت له کروندګرو سره د غنمو د اصلاح شویو تخمونو، کیمیاوي سرو او د کورنیو باغچو جوړولو په برخه کې مرستې او همکارۍ کړي دي.