د کندهار پنجوایي کې د امارتي ځمکو د غصب مخه ونیول شوه
۲۶ مرغومې ۱۴۰۲ه.ش
۴ رَجَب المُرَجَّب ۱۴۴۵ ه.ق
د کندهار دکرنې، اوبولګولو او مالدارۍ ریاست چارواکي وایي، چې په دې ولایت کې د امارتي ځمکو د غصب مخنیوی د کمپاین په دوام، ددې ولایت د پنجوایي ولسوالی د موشان او تلوکان کلیو کې په امارتي ځمکو کې د نوو خپلسرو تصرفاتو مخه ونیول شوه.
د کندهار دکرنې ریاست د چارواکو په خبره د پنجوایي ولسوالی د موشان او تلوان کلیو ترمنځ سیمو کې د اړونده امنیتي چارواکو په همکارۍ د ۱۷۰ جریبه امارتي ځمکو د غصب مخه ونیول شوه او غاصبین یې عدلي او قضایي ارګانونو ته ور پېژندل شوي دي
د یادونې وړ ده، چې په کندهار کې تر دې وړاندې هم د امارتي ځمکو د غصب مخه نیول شوې ده، چې دغه پروسه به په ټولو سیمو کې د اړونده مسؤلینو سره په بشپړه همغږۍ په دوامداره توګه ادامه ولري.
