ننګرهار کې د املاکي موضوعاتو حل په موخه ناسته ترسره شوه
۲۵ مرغومې ۱۴۰۲ه.ش
۳ رَجَب المُرَجَّب ۱۴۴۵ ه.ق
د ننګرهار د کرنې، اوبولګولو او مالدارۍ رییس مولوی عبدالستار محمد سره د کرنې وزارت څخه راغلي پلاوي په ننګرهار کې د املاکې موضوعاتو د حل اود دولتي او شخصي ځمکو تفکیک په موخه ناسته ترسره کړه.
د ځمکو د شخړو د خوندیتوب رییس مولوي محمد حنیف هارون وویل په ننګرهار کې د کوزکونړ ولسوالۍ د کچړي سیمي او نورو موضوعاتو د حل په موخه د کرنې وزارت څخه یو پلاوي د ځمکي تفکیک او ستونزو حل په موخه راغلي ده.
مولوي هارون زیاته کړه د یادې سیمي خلک د کرنې، اوبولګولو او مالدارۍ وزارت ته عارض شوې وه؛ چې یاده سیمه د دوی پلارنۍ ځمکه ده او اوس یې امارت په اجاره ورکوي نو د دوی د ځمکي بررسي دي وشي.
د ننګرهار د کرنې، اوبولګولو او مالدارۍ رییس مولوي عبدالستار محمد راغلي پلاوي څخه د ځمکي د هراړخیزي څیړنې غوښتنه وکړه اود هر راز همکارۍ ډاډ ورکړ.
