کندهار کې یوشمېر پاراوټرنرانو او قصابانو ته د کانګو وینه بهیدونکي تبې ناروغۍ په هکله روزنه ورکړل شوه

۲۳ مرغومې ۱۴۰۲ه‍.ش
۱ رَجَب المُرَجَّب ۱۴۴۵ ه‍.ق
د کندهار د کرنې، اوبولګولو او مالدارۍ ریاست سره په همغږۍ د ملګرو ملتونو د خوړو او کرنې ادارې له لورې ۵۰ تنو قصابانو، لس پاراوټرنرانو او لسو ناظرینو ته د کانګې تبې ناروغۍ په هکله روزنه ورکړل شوه.
د چارواکو په خبره یادو کسانو ته د کانګو ویني بهیدونکي تبې ناروغۍ په برخه کې د مسلکي ډاکترانو په مرسته روزنه ورکړل شوي دي، ددوی په خبره قصابان او وټرنران ددې ناروغۍ د اخته کېدو ګواښ سره ډېر مخ دي نو باید له ډېر احتیاط څخه کار واخلي.
دکندهار دکرنې، اوبولګولو او مالدارۍ ریاست چارواکي وایي، چې دوی هڅه کوي د وترنرۍ سیمه ییزو کارکوونکو له لورې په ولسوالیو کې عامه پوهاوي ترسره او ځینو سیمو کې د څارویو غوجل او مارکیټونو کې د کنو ضد درملو شېندنه هم ترسره کړي.
همدارنګه د مالدارۍ امر قصابانو ته د حفظ الصحي مراعت کولو، د امارت د قوانینو مطابق د کړنو ترسره کولو، په مسلخ کې د ذبحې کولو سپارښتنې وکړې او پخپله برخه کې د هر راز همکارۍ ډاډ ورکړ.