د ننګرهار کانال شرکت؛ ثمرخېلو قوریه ۲۵۰ زره بوټې لري
۲۳ مرغومې ۱۴۰۲ه.ش
۱ رَجَب المُرَجَّب ۱۴۴۵ ه.ق
د ننګرهار کانال شرکت چارواکي وایي، چې ددې شرکت اړوند د ثمرخېلو ستره قوریه، چې د هډې فارم په ۱۴ جریبه ځمکه کې رغول شوی دی، نږدې ۲۵۰ زره ډول ډول بوټي لري.
د چارواکو په خبره په دې قوریه کې د نورو بوټو ترڅنګ د مالټې ۱۸ زره نیالګي هم روزل کېږي، چې په دې ولایت کې به د مالټو بڼونو د پراختیا لامل شي.
د ننګرهار کانال شرکت چارواکي وایي، چې سږکال ددې شرکت اړوند په ۱۸ زره او ۲۰۰ جریبه ځمکه کې د مالټو بڼونه جوړ کړي دي.
د یادونې وړه ده، چې د ننګرهار کانال شرکت په «۱،۲،۳» فارمونو کې د نیالګیو سترې قوریې لري، چې ددغه شرکت د نیالګیو اړتیاوې له یادو قوریو څخه پوره کېږي.
