د خوست قلندر کې پر ۵۰۰ بزګرانو د کورنیو باغچو اړونده توکي وېشل کېږي
۹ مرغومې ۱۴۰۲ه.ش
۱۷ جُمَادَى الثاني ۱۴۴۵ ه.ق
د خوست دکرنې، اوبولګولو او مالدارۍ ریاست افغانستان لپاره د ناروې کمېټې په همکارۍ ددې ولایت د قلندر په ولسوالی کې پر ۵۰۰ بزګرانو د کورنیو باغچو اړونده توکي وېشل کېږي.
د خوست دکرنې ریاست د چارواکو په خبره ددې پروژې په لړ کې پر ۳۹۹ بزګرانو د کورنیو باغچو توکي وېشل شوي دي، او پر پاتې ۱۰۱ نور بزګرانو به به نږدې راتلونکې کې ووېشل شي.
د خوست ولایت د کرنې ریاست چارواکي وایي، چې د دغو توکو له وېشلو څخه موخه، د غیرموسمي سبو کښت او تولید دي چې، په عملي کېدو سره یې بېوزله بزګرانو ته د کار زمینه برابره او د دوی د کورنیو د اقتصادي ودې لامل شي.
