خوست کې د ځنګلونو د بیارغونې په پار د جلغوزیو قوریې جوړېږي
۹ مرغومې ۱۴۰۲ه.ش
۱۷ جُمَادَى الثاني ۱۴۴۵ ه.ق
دخوست دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې په همکار ددې ولايت د ځنګلونو او څړځايونو د ساتنې او بيا رغونې په موخه دیاد ولایت د موسي خېلو په ولسوالی کې د جلغوزیو قوریو د جوړولو چارې پیل کړي دي.
د خوست دکرنې ریاست د چارواکو په خبره ددغو قوریو د جوړولو په پار ددې ریاست اړوند تخنیکي ټیم یاد ولسوالی ته د سفر په ترڅ کې د سیمې خلکو او بزګرانو سره په لیدنه کې د قوریو جوړولو پر اهمیت خبرې وکړې او د یادې پروژې چارې یې پیل کړې.
ددې پروژې د پلي کولو موخه خلکو ته دکار زمینه برابرول او په ټوله کې ددې ولایت د ځنګلونو ودې او پراختیا ته زمینه برابرول دي.
