اروزګان کې پر یوشمېر بزګرانو د جوارو اصلاح شوي تخمونه ووېشل شو
۷ مرغومې ۱۴۰۲ه.ش
۱۵ جُمَادَى الثاني ۱۴۴۵ ه.ق
د اروزګان دکرنې، اوبولګولو او مالدارۍ ریاست د «ډي.آی.اې» مؤسسې په همکارۍ ددې ولایت پر ۵۰ بزګرانو د جوارو د اصلاح شویو تخمونو د وېش ترڅنګ یاد بزګران د جوارو کرکیلي په برخه کې روزلې هم دي.
ددې پروسې په ترڅ کې پر هر بزګر د جوارو ۲۲ کیلوګرامه اصلاح شوي تخمونه وېشل شوي دي، چې موخه یې د جوارو د حاصلاتو زیاتول دي.
ددې مرستې موخه د بزګرانو ملاتړ او پوهې لوړولو ترڅنګ د جوارو حاصلاتو زیاتولي ته زمینه برابرول دي.
