پکتیا کې د اوبولګولو د یوې پروژې رغنیزې چارې بشپړ او ګټې اخیستنې ته وسپارل شو

دپکتیا دکرنې، اوبولګولو او مالدارۍ ریاست د خوړو نړیوال پروګرام په مالي او د پاملرنې مؤسسې په تخنیکي همکارۍ ددې ولایت د زرمت ولسوالی د سهاک درنګ په سیمه کې د ۱۰ متره په اوږدوالی سربند او د ۱۲۳ متره په اوږدوالی د یوې استنادي دېوال پروژې چارې بشپړ او ګټې اخیستنې ته سپارلي دي.
په دې اړه جوړه شوې غونډه کې، د پکتیا دکرنې، اوبولګولو او مالدارۍ ریاست استازي، د خوړو نړیوال پروګرام ولایتي چارواکو د دیادې سیمې قومی مشرانو، بزګرانو، ځوانانو، او د همکارې مؤسېسې مسؤلینو شتون درلود.
د پکتیا دکرنې، اوبولګولو او مالدارۍ ریاست په استازیتوب انجنیر صالح محمد د خپلو خبرو په ترڅ کې د اوبو په ارزښت خبرې وکړې او زیاته یې کړه، چې د یاد سربند او استنادي دېوال به جوړېدو سره به ددې ولسوالی دکرنې په سکټور کې د پام وړ بدلون رامنځته شي. ښاغلی محمد د تمویلوونکي ادارې او همکارۍ مؤسسې څخه وغوښتل، چې د پکتیا ولایت په نورو سیمو کې دې هم ورته پروژې پلي کړي.
د پکتیا دکرنې ریاست استازی دغه راز د  تطبیق کوونکي پروژې له مسؤلینو څخه مننه وکړه، چې د پروژې دچارو په بشپړېدو کې خپلې هڅې ترسره کړي، په ورته وخت کې هغه د سیمې له خلکو وغوښتل چې د پروژې په ساتنه کې بشپړه همکاري وکړي نوموړی د سیمې خلکو ته ډاډ ورکړ چې هڅه کوي ترڅو د همکارو مؤسسو له لارې د اوبولګولو پروژو سربېره د سبو او غله جاتو په برخو کې داصلاح شویو تخمونو دتوزیع پروګرامونه پلي کړي.