نورستان کې سلګونه بزګران وروزل شول
١۹ لیندۍ ۱۴۰۲ه.ش
۲۷جُمَادَى الأول ۱۴۴۵ ه.ق
د نورستان دکرنې، اوبولګولو او مالدارۍ ریاست وایي، چې ددې ریاست د بوټو ساتنې او قرنطین آمریت له خوا د نورستان ولایت په مرکز پارون، کانتیوا او واما ولسوالیو کې ۷۵۰ بزګرانو ته د وېښته لرونکو چنجیو(مورپتدار) د هر اړخیز کنټرول په برخه کې روزلي دي.
ددې روزنیز پروګرام په لړ کې یادو بزګرانو ته د دې مضرې حشرې د هر اړخیز کنټرول په پار عملي او نظري روزنه ورکړل شوه.
وېښته لرونکي چنجي یو ډول مضره حشره ده، چې ژمی د تاکونو او ونو په ښاخونو او ساقو کې تېروی او په پسرلي کې کله چې نیالګي نوې نودرې وباسې په پاڼو حمله کوی او د مېوه لرونکو بڼونو حاصلات لمنځه وړي.
