د هلمند مارجه کې یوشمېر بزګران وروزل شول
١٨ لیندۍ ۱۴۰۲ه.ش
٢٦جُمَادَى الأول ۱۴۴۵ ه.ق
دهلمند ولایت د کرنې، اوبولګولو او مالدارۍ ریاست اړوند د مارجې ولسوالی د کرنیزو خدمتونو مدیریت لخوا ، د بشري خیریه مؤسسې په مالي همکارۍ لسګونو کرونده ګرو ته د غنمو اصلاح شويو تخمونو او کیمیاوي سرو کارونې په برخه کې روزنه ورکړل شوه.
په دې روزنیز پروګرام کې د اصلاح شویو تخمونو د ارزښت، په مسلکي ډول د تخم کرنې، د کیمیاوي سرو کارونې او د نباتي ناروغیو مخنیوی په اړه بزګرو ته پوهاوی ورکړل شوي دي.
د یادولو وړ ده چې، دغه زده کړې هغو بزګرو ته په لاره اچول شوي دي، چې په دې وروستیو کې ورته د کرنې ریاست له لوري اصلاح شوي تخمونه او کیمیاوي سرې وېشل شوي دي.
