خوست کې لسګونو اړمنو کورنیو ته د چرګانو واړه فارمونه جوړ شوي
١٨ لیندۍ ۱۴۰۲ه.ش
٢٦جُمَادَى الأول ۱۴۴۵ ه.ق
د خوست ولایت د کرنې، اوبولګولو او مالدارۍ ریاست ددې ولایت د سپېرې ولسوالی په بېلابېلو کلیو کې ۱۰۰ بې وزلو، او اړمنو مېرمنو ته د دوی د کورني اقتصاد د پیاوړتیا په پار د هګیو چرګانو واړه فارمونه جوړ کړي دي.
د دې مرستې په لړکې هرې کورنۍ ته د هګۍ ورکوونکو چرګانو ۳۰ قطعه يې فارمونه او د چرګان روزنې د فارم اړونده توکي وېشل شوي دي.
په يادو فارمونو کې هرې کورنۍ ته ۳۰ هګې ورکوونکي چرګان، د چرګانو معياري خوراکه، د دانې خوړولو لوښې، د اوبو خوړولو لوښې او نور توکي ورکړل شوي دي.
ددغو مرستو موخه په دې ولایت کې د چرګانو روزنې صنعت ته پیاوړتیا ورکول او د بېوزله او کونډو مېرمنو اقتصادي ودې ته په کور دننه زمینه برابرول دي.
