ننګرهار کې د ځمکې غصب مخنیوی او غصب شویو ځمکو بېرته راکرځولو تخنیکي پلاوی غونډه دائره شوه

١۳ لیندۍ ۱۴۰۲ه‍.ش
۲۱جُمَادَى الأول ۱۴۴۵ ه‍.ق
د ننګرهار ولایت د امارتي، سلطاني، مرعي او وقفي ځمکو د غصب مخنیوي او غصب شویو ځمکو بېرته راکرځولو تخنیکي پلاوي د ننګرهار د کرنې ادارې او تخنیکي پلاوي رییس مولوي عبدالستار محمد په مشرۍ غونډه ترسره شوه، چې په کې پر مهمو موضوعاتو باندې لنډ بحث او رڼا واچول شوه.
ددې غونډې په ترڅ کې پر بېلابېلو موضوعاتو د خبرو اترو ترڅنګ پر یوشمېر دوسیو او عریضو مهمې پرېکړې وشوې.
په یاده غونډه کې چې د کرنې ادارې او تخنیکي پلاوي رییس مولوي عبدالستار محمد سربېره، د عدليی رئیس، ښارجوړونې رئیس، قبایلو او سرحداتو رئیس، د حج او قافو رئیس، جلال اباد ښاروالۍ مرستیال، قومنداني مرستیال، استخباراتو مرستیال، امارتی قضایاوو امر او د کدستر مسول ګډون کړی ؤ.
غونډه کې د سرخ دېوال، لعلپوري د عبدالقدیم او کامي خاص د ځمکو په ګډون د غصب اړوند ګڼو نورو مهمو موضوعاتو باندې لنډ بحث او رڼا واچول شوه.
دغه راز د غصب مخنیوي تخنیکي پلاوي  پریکړه وکړه چې دلعلپوري عبدالقدیم اوسرخ دیوال سیمي له نږدې ولیدل شي او قبالې پري تطبیق شي، د کامه خاص د غاصبینو په اړه دي قومندانې او استخباراتو ریاست ته مکتوب ورکړل شي ترڅو غاصبین حاضر کړي.
دغه راز د زنګویې د ځمکو راپور د تخنیکي پلاوي له لورې وڅیړل شو چې نیمګړتیاوي په ګوته شوي او تر حل وروسته به مرکزي کمیسیون ته واستول شي.
په ورته وخت کې  د اداراتو او ولسي وګړو پر عرایضو بحث وشو او پر ډېرې برخو کې پرېکړه وشوه، ترڅو د عامه ملکیتونو دمینځه تللو مخنیوی وشي.