ننګرهار کې ۸۸ بزګرانو ته د شنو خونو په برخه کې روزنه ورکړل شوه

۶ لیندۍ ۱۴۰۲ه‍.ش
١۴جُمَادَى الأول ۱۴۴۵ ه‍.ق
د ننګرهار د کرنې، اوبولګولو اومالدارۍ ریاست سره په همغږۍ د اکشن ایډ مؤسسې له لورې د ننګرهار په ۷ ولسوالیو کې بزګرانو ته روزنه ورکړل شوه.
د ننګرهار د کرنې، اوبولګولو او مالدارۍ رییس مولوي عبدالستار محمد وویل د اکشن ایډ مؤسسې د شنو خونو د برخې کارکوونکو له لورې ۸۸ بزګرانو ته روزنه ورکړل شوه.
د اکشن ایډ مؤسسې د شنو خونو مسوول انجنیر سردارولي ساحل وویل په چپرهار، پچیراګام، غني خېل، ګوشته، سرخ رود،  بهسود او روداتو ولسوالېو کې ۸۸ بزګرانو ته روزنه ورکړل شوه.
ښاغلي ساحل وایې بزګرانو ته د شنوخونو جوړولو، د ځمکي اماده کولو، ګټو،  تخم انتخاب، هرزه ګیاوو کنټرول، اوبولګولو او سرو استعمال په برخه کې روزنه ورکړل شوی دی.
دغه راز د اکشن ایډ مؤسسه د ننګرهار په ۷ ولسوالیو کې ۸۸ بابه وړي شنو خونې جوړوي، چې په نږدې ورځو کې به یې عملي چارې پیل شي.