د کونړ والي؛ دکرنې او مالدارۍ سکټور په برخه کې همکارۍ اړین دی
٤ لیندۍ ۱۴۰۲ه.ش
١٢جُمَادَى الأول ۱۴۴۵ ه.ق
د کونړ والي الحاج مولوي قدرت الله حمزه په افغانستان کې د ملګرو ملتونو د خوړو او کرنې ادارې له مشر ریچارډ ټرینچر سره په کتنه کې د کرنې او مالدارۍ پر پراختیا خبرې وکړې.
د کونړ والي الحاج مولوي قدرت الله ابو حمزه د خوړو او کرنې ادارې له مرستو څخه د مننې ترڅنګ د کانالونو جوړېدو، د ځنګلونو حفاظت په پار د ځنګلي سیمو د خلکو سره د مرستو، حیواني خوراکې، اصلاح شویو تخمونو کېمیاوي سرو او خلکو ته لنډ مهاله کاري فرصتونو برابرولو په برخه کې د همکاریو پراختیا غوښتنه وکړه.
دغه راز د کونړ والي راستانه شویو کورنیو او ځایي خلکو سره د نړیوالې ټولنې مرستې مهمې یادې کړې او د اوږد مهاله پروژو په تطبیق یې ټینګار وکړ.
د کونړ والي وویل د ډاډ من امن په ټینګښت سره اوس دلته د مرستندویانو بشري فعالیتونو ترسراوي لپاره ښه زمینه برابره شوې او د لاښه والي لپاره به یې هلې ځلې روانې دي.
په همدې حال کې په افغانستان کې د ملګرو ملتونو د خوړو او کرنې ادارې مشر ریچارډ ټرینچر د یادې ادارې د فعالیتونو او پلانونو په تړاو د معلوماتو شریکولو ترڅنګ د کرنې او مالدارۍ په برخه کې د ګټورو پروژو د تطبیق ډاډ وښود.
