هلمند کې یوشمېر بزګران وروزل شول
۳۰ لړم ۱۴۰۲ه.ش
۸ جُمَادَى الأول ۱۴۴۵ ه.ق
دهلمند ولایت دکرنې، اوبولګولو او مالدارۍ ریاست وایي، چې ددې ولایت په ګرشک او ناوې ولسوالیو کې بزګرو ته دغنمو کرکیلې او بڼوالۍ په برخه کې زده کړې ورکړل شوي دي.
دوی وایي،چې دهلمند ولایت د کرنې، اوبولګولو او مالدارۍ ریاست د مقام په لارښونه، د ګرشک ولسوالی د حیدراباد، میرمنداب او زمبلې دسیمو یوشمېر کروندګرو ته دغنمو دتخم سره د ویتاواکس درملو دګډولو لارې چارې په عملي ډول ور وښودل شوې او ددی ترڅنگ پر ۲۰ تنو بزگران پر هر بزګر ۱۰۰ گرامه ویتاواکس درمل هم ووېشل شول.
ددې ترڅنګ دناوې ولسوالی په بېلابېلو سیمو کې کروندګرو ته دغنمو دتخم سره د یادو درملو دګډولو، کارولو، ګټو او همدارنګه د یوریا لسپرې دجوړولو، پر مېوه لرونکو ونو باندې د کارولو او د هغو د ګټو په اړه پوهاوی ورکړل شوي دي.
ددغو روزنیزو پروګرامونو موخه د بزګرانو او بڼوالو وړتیاوې لوړول او د کرنیزو محصولاتو زیاتول دي.
