د کندز دکرنې رییس د کرنې وزارت له پلاوي سره وکتل
۳۰ لړم ۱۴۰۲ه.ش
۸ جُمَادَى الأول ۱۴۴۵ ه.ق
د کندز ولایت د کرنې، اوبولګولو او مالدارۍ ریس الحاج مولوي امان الله حسن د کرنې، اوبولګولو او مالدارۍ وزارت له راغلي پلاوي سره د خپل کار په دفتر کې وکتل.
یاد پلاوی چې د کرنې د میکانیزې د برخې د اړتیاوو د څارنې او ارزونې په موخه کندز ولایت ته راغلي، دکندز دکرنې له رییس سره په کتنه کې پر بېلابېلو موضوعاتو خبرې اترې وکړې.
ددې کتنې په ترڅ کې د کندز دکرنې رییس وویل: «د دې لپاره چې دودیزه کرنه په عصري کرنې بدله شي، چې د افغانستان د کرنې د سکتور د ودې لپاره یوه بیړنۍ اړتیا بلل کېږي، د ماشینري، مسلکي وړتیاوې او تخنیکي مهارتونو په برخه کې د کرنې د میکانیزې د پیاوړتیا لپاره باید دوامداره هڅې وشي، تر څو غوره او اغیزمن خدمتونه د بزګرانو لپاره ترسره شي.»
په دې کتنه کې د کرنې وزارت پلاوي د کندز ولایت د کرنې ریاست له مشرتابه څخه د دوی د تود هرکلي له امله مننه وکړه او خپل کاري پلانونه یې د کندز ولایت د کرنې ریاست له رییس سره شریک کړل او په اړه یې د نظر تبادله وکړه.
په پای کې د کندز ولایت د کرنې، اوبولګولو او مالدارۍ ریس محترم الحاج امان الله حسن له دوی سره د هر راز همکاریو ژمنه وکړه.
