د اوبو مدیریت په پار هڅې؛ لوګر کې د اوبو مدیریت په پار ترتیب شوې طرحه له خلکو سره شریکه شوه

د لوګر ولایت د کرنې، اوبولګولو او مالدارۍ ریاست د چاراکو له خوا په دغه ولایت کې د ځمکې لاندې اوبو کچې لوړوالی، د اوبو ضایع کېدو مخنیوی او د هغو نباتاتو چې د اوبو مصرف یې کم وی ترویج کول او هغه نباتات چې ډېرې اوبه غواړي د هغوی د مخنیوی اړوند جوړه شوی طرحه د ا.ا چارواکو، دیني علماو او بزګرانو سره شریکه شوه.
په همدې تړاو جوړه شوی غونډه کې، چې د لوګر ولایت د کرنې  او مالدارۍ ریاست غونډو تالار کې نیول شوې وه د لوګر دکرنې اومالدارۍ رییس مولوی سیدامین هاشمي سربېره د ولایت مقام دفتر رییس مولوی میرویس وحیدالله د علماوو شورا غړي شیخ پیرمحمد حقاني، د عدلیې، سوداګرۍ او پانګونې خونې رییسانو د قضای امارت آمر د سیدیزې حوزې استازی، ګڼ شمیر دینی علماوو، قومي مشرانو او د بېلابېلو سیمو بزګرانو ګډون کړي وو.
په دې غونډه کې د لوګر د کرنې اومالدارۍ رییس اوبه د هېواد شتمنۍ یاده کړه او په ټولو خلکو یې غږ وکړ تر څو د ځمکې لاندې اوبه بې ځایه مصرف نکړي او په بزګرانو ییې غږ وکړ چې په کروندو کې کرنیز تناوب په پام کې ونیسي د رومي بانجانو چې بدیل یې هنګ اوځینې نور نباتات دې وکري.
په همدې حال کې دلوګر د ولایت مقام دفتر رییس په خپلو خبرو کې د ځمکې لاندې اوبه د الله تعالی له نعمتونو څخه یاد کړ او د کرنې ریاست دغه اقدام یې نیک وباله.
 همدا راز دیني عالم شیخ پیرمحمد حقاني د خبرو په لړ کې د اوبو په ارزښت د اسلام له نظره خبرې وکړې او زیاته یې کړه، چې باید د اوبو په مصرف کې له اسراف څخه په کلکه ډډه وشي.
د لوګر د کرنې او مالدارۍ ریاست مسؤولین هڅه کوی، چې بزګرانو ته د کرنیز تناوب په هکله بېلابېلې لارې چارې وښیي.