کندز کې ۳۰ شنې خونې جوړېږي
۲۰ تله ۱۴۰۲ه.ش
۲۷ ربیعالاول ۱۴۴۴ ه.ق
د کندز دکرنې، اوبولګولو او مالدارۍ ریاست د آغاخان دفتر په همکارۍ ددې ولایت په دشت ارچي، امام صاحب او خان آباد ولسوالیو کې د بزګرانو لپاره ۳۰ شنې خونې جوړېږي.
د کندز ولایت د کرنې، اوبولګولو او مالدارۍ ریاست د کرنیزو چارو آمر صلاح الدین واحدي په داسې حال کې چې په شمال او شمال ختیځ زون کې د آغاخان د دفتر رییس حجت الله یوسفزی یې ملتیا کوله د په دشت ارچي ولسوالی کې د یاد دفتر له خوا د شنو خونو د جوړولو چارو څخه څارنه وکړه.
د يادونې وړ ده، چې د یاد دفتر له لوري په دشت ارچي، امام صاحب او خان آباد ولسواليو کې د ٣٠ شنو خونو د جوړولو چارې د پلي کېدو په حالت کې دي، چې د څارنې په ترڅ کې یاد دفتره ته د وړ ګټه اخیستونکو کسانو د انتخاب او په مناسبو سیمو کې د پروژې د پلي کولو په موخه لازمې سپارښتنې وشوې.
د شنو خونو د جوړولو موخه د بزګرو کورنیو او بې وزلو ښځو د عاید لوړول، د خوارځواکۍ مخنیوی او د خوړو خوندیتوب دی.
