هلمند کې پر سلګونو بزګرانو د غنمو اصلاح شوي تخمونه او کیمیاوي سرې وېشل کېږي
۲۰ تله ۱۴۰۲ه.ش
۲۷ ربیعالاول ۱۴۴۴ ه.ق
د هلمند دکرنې، اوبولګولو اومالدارۍ ریاست د ملګرو ملتونو دخوړو او کرنې ادارې په مالي او د جک مؤسسې په تخنیکي همکارۍ ددې ولایت په مرکز لښکرګاه او نادعلی ولسوالی کې پر سلګونو بزګرانو دغنمو اصلاح شویو تخمونو اوکیمیاوي سرې وېشلو په موخه د مستحقینو د انتخاب او سروې چارې پیل شوي دي.
دیادی پروسې له لارې هر بزګر ته ٥٠کیلوګرامه توره سره ٥٠کیلوګرامه سپینه سره او ٥٠ کیلوګرامه د غنمو اصلاح شوی تخم ورکول کېږي.
ددې پروسې په لړ کې د نادعلي ولسوالی ٦٠٠٠ تنه بزګر شامل دي، چې د سروې چارې یې په عملي دول پیل شوي دي.
ددې تر څنګ په مرکز لښکرګاه کې تر دې مهاله ١٩٦٥ تنه بزګر سروې او د نورو مستحقینو د انتخاب چارې روانې دي.
دسروې چارې دګډ هیئت لخوا په شفاف ډول ترسره کېږي.
د دې پروسې موخه په دې ولایت کې د بزګرانو ملاتړ دی، چې پر مټ به یې ځمکوال وکولای شي له خپلو ځمکو څخه لوړ حاصلات ترلاسه کړي.
