د لغمان دکرنې رییس: د جلغوزیو او چهارمغزو ځنګلونو پراختیا په پار هڅه وکړئ
۶ تله ۱۴۰۲ه.ش
۱۳ ربیعالاول ۱۴۴۵ه.ق
د لغمان دکرنې، اوبولګولو او مالدارۍ رییس مولوی محمد ولي حسن په داسې حال کې، چې د لغمان ولایت د امر بالمعروف او نهي عن المنکر او سمع شکایات رییس، د لغمان ښاروال او د حج او اوقافو رییس یې ملتیا کوله د دولت شاه ولسوالی د فراشغان درې نیل خان او منګل پور کلیو د جلغوزیو د غره په سر د ملکیت دعوی د حل په موخه سفر وکړ.
په همدې موخه جوړه شوې غونډه کې د لغمان دکرنې رییس دواړه قومونه وروولۍ او اتحاد ته وبلل او ترڅنګ یې د ځنګلونو په ځآنګړې توګه د جلغوزیو ځنګلونو پر اهمیت خبرې وکړې.
ښاغلی محسن یادو قومونو ته په خطاب کې وویل، چې د چهارمغزو او جلغوزیو ځنګلونو پراختیا او دې په پار هلې ځلې او په ټوله کې د ځنګلونو ساتنې او خوندیتوب ته باید پاملرنه وکړي.
په پای کې یادو مشرانو ډاډ ورکړ، چې ستونزې به یې هوارې او د ځنګلونو ساتنې او پراختیا او په ټولو پرخو کې به د اسلامي امارت سره هړ اړخیزه همکاري کوي.
