لغمان کې له یوشمېر بزګرانو سره د کچالو تخمونو مرسته وشوه
١ تله ۱۴۰۲ه.ش
٨ ربیعالاول ۱۴۴۵ه.ق
د لغمان د کرنې، اوبولګولو او مالدارۍ ریاست په دې ولایت کې د کرنیزو کاروباریانو او تولیدونکو (بزګرانو) ترمنځ د اړیکو د پياوړ تیا په پار د سولې ریښې مؤسسې په همکارۍ ددې ولایت مهترلام او قرغه یې ولسوالیو کې په نیمایې بیه بزګرانو ته د یوه جریب ځمکې لپاره د کچالو تخمونه ووېشل.
د کرنیزو محصولاتو د رسېدو په وخت د مارکیټ شتون او په مناسبه بیه یې پلورل یوه اساسي او بنیادي مسله ده چې ډېری وخت بزګران د رفع حاصل پر وخت له ستونزو او مشکلاتو سره لاس او ګریوان وي.
په همدې اساس د لغمان دکرنې ریاست په دوامداره توګه هڅه کوي ترڅو د بزګرانو او کرنیزو کاروباریانو ترمنځ اړیکې پیاوړي کړي.
کرنیزو تولیداتو ته مارکیټ پیدا کړي او بزګران وشي کولای تر رفع حاصل وروسته خپل محصولات په مناسبه بیه وپلوري.
د چارواکو په خبره د کچالو ټولیزه بیه لس زره افغانۍ ده، چې نیمایې بیه یې پنځه زره افغانۍ کېږي. د یاد قیمت څخه پنځوس سلنه بزګران او پنځوس سلنه د همکاري مؤسسې له طریقه شرکت ته ورکول کېږي.
ددی پروګرام موخه د بزګرانو ملاتړ او د تولیدونکو او سوداګرو ترمنخ د اعتباري اړیکو ایجادول دي.
