د هلمند دکرنې رییس دکرنې وزارت له پلاوي سره وکتل
٢۸ وږي ۱۴۰۲ه.ش
۴ ربیعالاول ۱۴۴۵ه.ق
د هلمند د کرنې، اوبولګولو او مالدارۍ رییس الحاج مولوي نظرمحمد صدیقي د کرنې وزارت څخه د مؤسساتو د ارزونې له راغلي پلاوي سره وکتل.
د هلمند دکرنې رییس راغلي پلاوي ته په دې ولایت کې د کارونو د ښې اجرا په موخه د همکارۍ ډاډ ورکړ او هغوی یې وهڅول تر څو د ټولو مؤسساتو د کارونو د مؤثریت ارزونه وکړي، د ادارې وړاندیزونه او د ځمکوالو اړتیاو په پام کې نیولو سره دې یو جامع راپور د وزارت مقام ته وړاندې کړي، تر څو دې ولایت ته د لا نورو خدماتو وړاندې کولو زمینه برابره شي.
په همدې حال کې دکرنې وزارت پلاوی هلمند ته یې د راتګ موخه په دې ولایت کې د کرنې د برخې مؤسساتو او انجیوګانو د کارونو ارزونه او څارنه وبلل، چې په دې برخه کې به د یادو مؤسساتو د مسؤلینو ترڅنګ د ګټه اخیستونکو اشخاصو سره هم لیده کاته ترسره کړي.
ددې تر څنګ به په دې ولایت کې د مهمو لومړیتوبونو، وړاندیزونو او ستونزو د راټولولو برخه کې هم د خپل پلان له مخې لازمې کړنې ترسره او پایلې به یې د کرنې وزارت مقام ته وړاندې کړي.
