لغمان  کې د ځمکې غصب او غصب شويو ځمکو بېرته راکرځولو کمېټې کړنې

۲۲ وږي ۱۴۰۲ه‍.ش
۲۷ صَفَرُ المُظَفَّر ۱۴۴۵ه‍.ق
 د لغمان د امارتي (سلطاني) عامه مرعي او وقفي غصب شويو ځمکو، د غصب مخنيوي او استرداد کميسون تخنيکي پلاوي خپلې هلې ځلې کړندي کړي دي.
د دغو هلو ځولو په دوام د يادې کمېټې رييس الحاج مولوي محمدولي محسن په مشرۍ پلاوي د علینګار اولسوالی اړوند دنورالام صیب درې اوپړوایي سیو ته دامارتي ځمکو دتشخیص او تثبیت په موخه دعلینګار اولسوال قاری ذاهد په ملګرتیاسفر وکړه.
 ددې سفر په ترڅ کې دنورالام صیب درې دکولک اوزیارت کلي ترمنځ دسالنډ غره په سر دسیمې دخلکو تر مینځ حقوقي موضوع چې دوسیه یې دلغمان ولایت داستناف محکمې مدني دیوان ریاست (۷/۵)۷/۱/۱۴۴۵ګنه لیک په اساس تخنیکي پلاوی ته راجع شوې وه دسیمې دبې طرفه علماوو اومتنفذینو سره ځانړې غونډه جوړه شوه او د غونډې په ترڅ کې دعلماوو او ثالث بالخیر خلکو څخه منازعې په هکله معلومات وغوښتل دهغوی له خوا ورکړل شوی معلومات یی له ځان سره یادداشت کړل بیا یې دمدعیونو په استازیتوب  یو تعداد مشران او ملکان راوغوښتل دهغوی خبری یې او  په پای کې د منازعې سیمه له نږدې وکتل شو او دواړو خواوو ته د نافذه مقررې او لایحې مطابق د موضوع په هکله معلومات وړاندې او دوی یې اتحاد او ورورولي ته راوبلل.
 دغه راز تخنیکي پلاوی دعلینګار اولسوالی اړوند دپړوایی سیمې ته ولاړ چې دعلینګار ولسوال هم ورسره وه هلته یې هغه (۱۱۲) جریبه امارتي ځمکه دمرکزي کمیسون دسکرتریت دچارو دتنظیم او همغږی ریاست د (۳۴۲۷)۱۴/۱۲/۱۴۴۵ ګنه لیک دهدایت سره سم مستاجرینو ته چه مخکې ورته په اصولي او شرعي ډول په اجاره ورکړل شوې وه تسلیم او استردادکړه او هم دعلینګار اولسوالی امنیې قوماندان او ولسوال ته هدایت وشوه چې کومې امارتي ځمکې، چې دتخنیکي پلاوی له خوا تشخیص او تثبیت کېږي او تاسو ته سپارل کېږي په ساتنه کې یې جدي اوسئ ترڅو بیا غصب نه شي.