لغمان کې د ځنګلونو خوندیتوب او پراختیا په پار ټولنې جوړېږي
د لغمان د کرنې، اوبولګولو او مالدارۍ ریاست وایي، چې ددې ولایت د ځنګلونو د خوندیتوب او پراختیا په پار په دې ولایت کې د ځنګلوالۍ یوشمېر ټولنې جوړې شوي دي او یوشمېر نور د جوړېدو په حال کې دي.
په همدې موخه دلغمان مرکز مهترلام دکرنج مربوط زرګرماله، دومیه، منځ کلی او بهرام ګل کلیو اوسیدونکې چې کرنې، اوبولګولو او مالداری ریاست ته په خپل سیمو کې دځنګلدارۍ دټولنې جوړېدو په خاطر عارض شوي ؤ د لغمان دکرنې، اوبولګولو اومالدارۍ رییس الحاج مولوي محمدولي محسن دهدایت سره سم دطبیعي سرچینو امریت دټولنو تنظیم مدیریت له خوا د نوموړو سیمو خلکو ته دځنګلونو ساتنې او حفاظت ټولنې دجوړېدو طرزالعمل د طبیعي سرچینو امر انجینر اصحاب الدین حلیمي په کاري دفتر کې تشریح او پاتې کارونه په ساحه کې دطبیعي سرچینو امر انجینر اصحاب الدین حلیمي،دانجمنونو دتنظیم مدیر انجینر زاهدالله زاهد او دجلغوزیو چهارمغزو اوبیری ځنګلونو مدیر انجینر دادمیر تلاش له خوا بشپړ شو.
د ټولنې دجوړېدو سربېره دځنګلونو دساتنې، دقطع مخنیوي، داورلګیدو مخنیوي، دځنګلونو بیا احیا او همدارنګه دځنګلونو دحاصلاتوڅخه په ځانګړې توګه دجلغوزیو او چهارمغزو دځنګلونو دحاصلاتو څخه دلس سلنې محصول را ټولولو په اړه عامه پوهاوې ورکړل شو.
