د ننګرهار لعلپورې کې د یوکانال د پاکارۍ چارې پیل شوې
۲۰ وږي ۱۴۰۲ه.ش
۲۵ صَفَرُ المُظَفَّر ۱۴۴۵ه.ق
د ننګرهار د کرنې، اوبولګولو او مالدارۍ ریاست په هڅو د بشري خیریه موسسي (او.اچ.ډبلیو) له لورې د ۷۰۰ زره افغانیو په ارزښت د لعلپوري ولسوالی د رینه پارچاو کانال پاکولو چارې پیل شوي.
د ننګرهار دکرنې، اوبولګولو او مالدارۍ رییس مولوي عبدالستار محمد وویل، چې د رینه پارچاو کانال چې ۶ کیلو متره اوږدوالې لري پاک او ځینې سیمې یې رغول کېږي.
محمد وایې په یاد کانال کې د ۸۷ کسانو ته د ۲۰ ورځو لپاره د کار زمینه هم برابره شوې؛ چې هر تن ته ۴۰۰ افغانۍ ورځني مزد ورکول کېږي.
د یاد کانال د پاک کارۍ په نتیجه کې به ۱۲۰۰ جریبه کرنیزه ځمکه خړوبه شي؛ او په لسګونه ځایې خلکو ته به د کار زمینه هم برابره شي.
