د ځمکې غصب مخنیوی کمیسیون چارواکو د کندهار دکرنې رییس سره وکتل
۱۸ وږي ۱۴۰۲ه.ش
۲۳ صَفَرُ المُظَفَّر ۱۴۴۵ه.ق
دکندهار د کرنې، اوبولګولو او مالدارۍ ریاست چارواکي وایي، چې د ځمکو دغصب مخنیوی او بېرته راګرځولو کمیسیون مشر او د عدلیې وزیر شیخ مولوی عبدالحکیم شرعي، دکرنې وزیر او د کمیسیون غړی مولوي عطاء الله عمري، د چارو ادارې رییس او د کمیسیون غړی شیخ مولوی انورالحق، مولوی عبدالمنان عمري دکار او ټولنیزو چارو وزیر او دکمیسیون غړی، مولوی نعماني د ښار جوړولو وزیر او دکمیسیون غړی او د سترې محکمې د دارالانشاء ریس کندهار ولایت ته دسفر په ترڅ کې د کندهار ولایت د کرنې له رییس مولوی محمود مظلوم او ددې ولایت د ځمکې غصب مخنیوی پلاوی سره په کتنه کې په دې ولایت کې د ځمکې غصب مخنیوی او غصب شویو ځمکو بېرته راګرځولو پلاوی د کړنو په هکله خبرې وکړې.
په دې غونډه کې د کندهار د کرنې رییس او د ځمکې غصب مخنیوی کمېټې مشر په دې ولایت کې د یادې کمېټې د کړنو، روانو فعالیتونو او راتلونکو پلانونو په هکله د ځمکې غصب کمیسیون مشرتابه ته بشپړ معلومات وړاندې کړل.
ورپسې د ځمکو دغصب مخنیوی او بېرته راګرځولو کمیسیون مشر او د عدلیې وزیر شیخ مولوی عبدالحکیم شرعي د یاد کمیسون کړنې وستایل او د لا بریالیتوب هیله یې وکړه او ډاډ یې ورکړ چې له یاد کمیسیون سره هراړخيزه همکاري کوي.
دغه راز په دې غونډه کې پر یوشمېر نورو موضوعاتو لکه د شکور کاریز او عينو مېنې پر روانو چارو هم خبرې وشوې او ت. څنګ یې له محکمو څخه پر راغلو دوسیو هم خبرې اترې وشوې.
