لوګر کې پر سلګونو بې ځایه شویو او اړمنو کورنیو د شاتو مچۍ او اړونده توکي ووېشل شول

۱۵ وږي ۱۴۰۲ه‍.ش
۲۰ صَفَرُ المُظَفَّر ۱۴۴۵ه‍.ق
دلوګر دکرنې، اوبولګولو او مالدارۍ ریاست وایي، چې د لوګر ولایت مرکز پُل علم ښار پر سل تنو بې ځایه شویو او اړمنو کورنیو د شاتو مچۍ او د مچیو روزنې اړوند توکي وویشل شول.
د یادو توکو او مچیو وېش غونډه کې دلوګر دکرنې، اوبولګولو اومالدارۍ رییس مولوی سیدامین هاشمي سربېره د اقتصاد رییس انجنیر محمدحامد مظلومیار، دمالدارۍ څانګي آمر داکتر خانشرین خسروی او دموسسې مسؤولینو ګډون کړی وو.
د چارواکو په خبره ددې مرستې څخه برخمن شوي  اړمنې کورنۍ  څه موده وړاندې د سروې له مخې په نښه شوی وو، چې پکې ۵۳ نارینه او ۴۷ ښځینه شامل دي، چې هرې کورنۍته د شاتو مچیو ترڅنګ د شاتو مچیو د روزنې اړوند توکي، چي مالي لګښت یې ۱۳۶۶۰۰ آمریکایي ډالرکېږي وېشل شوي دي.
د لوګر دکرنې، اوبولګولو او مالدارۍ رییس په خپلو خبرو کې وویل، چې له وېشل شویو توکو به کلکه څارنه کوی او له ګټه اخیستونکو یې وغوښتل، چې له وېشل شویو توکو سمه ګټه پورته کړی.
له وېشل شویو مرستو څخه موخه په دغه ولایت کې بې سرپرسته کورنیو ته د کور دننه د کار زمینه برابرول او د اقتصادی پیاوړتیا ښودل شوی دی.