ننګرهار کې ۴۵ کروندګر وروزل شول
۱۲ وږی ۱۴۰۲ه.ش
١۷ صَفَرُ المُظَفَّر ۱۴۴۵ه.ق
د ننګرهارد کرنې، اوبولګولو او مالدارۍ ریاست اړوند د ولسوالیو مدیرانو له لورې د حصارک، دور بابا او خوږیانو ولسوالیو په څنځي، ډوبی، ګډ خېلو او خوږیانو زاویې کلیو کې ۴۵ تنو کرونده ګرو ته شولو ناروغیو، لوبیا او جوارو کې د اوبخور او د ناروغیو مخنیوي په برخه کې روزنه ورکړل شوه.
د یادو ولسوالیو مدیرانو له لورې ۴۵ تنو بزګرانو ته د شولو بېلابېلو ناروغیو، لوبیا د افاتو، هرزه وښو مخنیوي، سبو او نورو بوټو کې د ناروغیو او افاتو د هراړخیز کنټرول په موخه روزنه ورکړل شوه .
دغه راز په يادو ولسوالیو کې بزګرانو ته د ناروغیو ترڅنګ د کرلو، نرمکارۍ، سرو استعمال، اوبولګولو او ګڼو نورو برخو کې هم معلومات ورکړل.
د ننګرهار د کرنې، اوبولګولو او مالدارۍ ریاست د ترویجي کړنو لپاره په ټولو ولسوالیو کې د ولسوالیو مدیرانو پر مټ نوي ټکنالوژي پلي کېږي؛ ترڅو بزګران پرځان بسېا او د خوړو خوندیتوب رامنځته شي.
