دغزني دکرنې رییس: دکرنې د ودې او پراختیا په پار هڅې زموږ وجیبه ده

۱۱ وږی ۱۴۰۲ه‍.ش
١٦ صَفَرُ المُظَفَّر ۱۴۴۵ه‍.ق
 د غزني دکرنې ،اوبولګولو اومالدري رییس الحاج مولوي محمد ادریس حنیف دغزني دځنګل باغ څخه دلیدنې په ترڅ کې ددې بڼ کارکوونکو ته په خطاب کې وویل، چې د کرنې، بڼوالۍ او مالدارۍ د ودې او پراختیا په پار هڅه زموږ د ټولو اساسي دنده او وجیبه ده.
د غزني دکرنې رییس ددې لیدنې په لړ کې له طبیعي بوټو، مثمرو اوغیرمثمرو نیالګویو له قوریو او شنو خونو څخه نظارت اوڅارنه وکړه اودځنګل باغ له چارواکو اوباغ دارانو سره یې دځنګل باغ په بیاځلي زرغونولو خبرې وکړې.
 دغه راز کارکوونکو او بڼ لرونکو ته سپارښتنه وکړه، ترڅوهغه شنې خونې چي له کار ولیدلي دي ژرترژره جوړ او نوي بوټي مثمر او غیري مثمر نیالګي په کې وکرل شي.
د غزني دکرنې رییس دغه راز اړوندو چارواکو ته سپارښتنه وکړه، چې دځنګل بڼ اړوند هغه ځمکې چې داشخاصو لخوا غصب شوي دي بررسي او له غصب څخه خلاص شي.
د غزني دکرنې ،اوبولګولو اومالدري رییس الحاج مولوي محمد ادریس حنیف دغزني دځنګل باغ د کارکوونکو ستونزې او وړاندیزونه واورېدل او د ستونزو دحل ژمنه یې وکړه.