هلمند کې د ځمکې د غصب مخنیوی او غصب شویو ځمکو د بېرته را ګرځولو کمېټې کړنې
۸وږی ۱۴۰۲ه.ش
۱۳ صَفَرُ المُظَفَّر ۱۴۴۵ه.ق
هلمند کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي خپلې هلې ځلې ګړندي کړي دي.
د دغو هلو ځلو په دوام دهلمند ولایت د ځمکو د غصب مخنیوی تخنیکي پلاوی دهلمند د کرنې ریاست کې خپل منځي ناسته وکړه.
په یاده ناسته کې پر بېلابېلو موضوعاتو بحث او خبرې وشوې او په اړه یې لازم تصمیمونه ونیول شول.
د هلمند ولایت تخنیکي پلاوي په نننی ناسته کې د اصلاح شویو تخمونو دولتي تصدۍ اړوند ځمکې، باباجي ولسوالی، مارجې او مرکز لښکرګاه کې د افرادو او اشخاصو ترمنځ پر اما/رتي ځمکې ددعوی جریان، اسناد او سوابق مطالعه کړل او د هرې موضوع په اړه لازم اجرائت ترسره شول.
له خپل منځي ناستې وروسته تخنیکي پلاوي د الحاج مولوي نظرمحمد صدیقي په مشرۍ مارجې ولسوالی ته سفر وکړ او هلته یې د ولایت م مقام د حکم مطابق د اشخاصو او افرادو ترمنځ پر یوه اندازه اما/رتي ځمکې ستونزه له نږدې وارزول او له اړونده لوریو سره یې لیدنې وکړې.
وروسته یاد پلاوی په مرکز لښکرګاه کې دغازي محمد ایوب خان مینې له هغو سوداګریزو سیمو لیدنه وکړه، چې د ځینو کسانو لخوا ورباندې د شخصي ملکیت ادعاوې موجودې وې، چې وروسته به د اصولو له مخې ورباندې لازمې کړنې ترسره شي.
