هلمند کې د ځمکې د غصب مخنیوی او غصب شویو ځمکو د بېرته را ګرځولو کمېټې کړنې
۷ وږی ۱۴۰۲ه.ش
۱۲ صَفَرُ المُظَفَّر ۱۴۴۵ه.ق
هلمند کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي خپلې هلې ځلې ګړندي کړي دي.
د دغو هلو ځلو په دوام د هلمند ولایت د ځمکو د غصب مخنیوي او غصب شویو ځمکو بېرته راګرځولو تخنیکي پلاوي ددې ولایت نهرسراج ولسوالی ته سفر وکړ.
د هلمند ولایت د ځمکو د غصب مخنیوی او غصب شویو ځمکو بېرته راګرځولو تخنیکي پلاوي په داسې حال کې نهرسراج ولسوالی ته سفر وکړ چې د یاد پلاوي رییس الحاج مولوي نظرمحمد صدیقي، عدلې رییس الحاج مولوي محمد محمدي، امنیې قوماندانۍ استازی ملا عبدالرحمن طلحه او یو شمېر فني مامورینو یې ملتیا کوله.
د یاد سفر موخه په نهرسراج ولسوالی کې د ٤٥٠٠ جریبه ځمکې تثبیت او ارزونه وه چې پر سر یې د څلورو قومونو ترمنځ حقوقي دعوی جریان لري.
یاده ځمکه چې شخصي او اما/رتي سره مخلوطه ده ، د ٤ قومونو ترمنځ (ناصران، کاکړان، نورزی او اسحق زي) یې لوري دي، ددعوې جریان، اسناد او سوابق یې د لا ښې بررسئ په موخه د ځمکو غصب مخنیوئ کمیسیون لخوا تخنیکي هیئت ته سپارل سوې ده ترڅو د شخصي او اما/رتي ځمکې تشخیص او تثبیت یې ترسره سي او بیا یې په اړه عالي مقاماتو ته ګذارش وړاندې شي.
تخنیکي پلاوي د یادې ځمکې څخه له نږدې لیدنه او ارزونه وکړه، په سیمه کې یې د دعوی له اړونده لوریو او سیمئیزو اوسیدونکو سره لیدنې وکړې او په اړه یې د اړتیا وړ معلوماتونه راټول او د وروستیو کړنو لپاره یې مرکز ته انتقال کړل.
