د ننګرهار کانال ریاست: په نږدې ۱۸۲ جریبه ځمکه د نارنجو بڼونه جوړ شوي دي
۶ وږی ۱۴۰۲ه.ش
۱۱ صَفَرُ المُظَفَّر ۱۴۴۵ه.ق
د ننګرهار کانال ریاست وایي، چې ددې کانال اړوندو ځمکو کې په ۱۸۲ جریبه ځمکه کې د نارنجو بڼونه جوړ شوي دي، چې سږني حاصلات یې د پام وړ دي.
د چارواکو په خبره د ننګرهار کانال د څلور ګونو فارمونو د نارنجو مېوې (سردرختۍ) په يونيم ميلون او درې سوه اویا زره افغانيو بولي شوي او اوس يې ټولونه پېل شوې ده، چې د ننګرهار ښار ترڅنګ نورو ولایتونو ته هم لېږل کېږي، چې په ترڅ کې یې یوشمېر هېوادوالو ته د کار زمینه هم برابره شوې ده.
