د لوګر دکرنې رییس د بهرنیو مؤسسو چارواکو ته؛ د بزګرانو او بڼوالو لاسنیوی وکړئ
۳۰ زمری ۱۴۰۲ه.ش
۴ صَفَرُ المُظَفَّر ۱۴۴۵ه.ق
د لوګر دکرنې، اوبولګولو او مالدارۍ ریاست چاراکي وایي، چې ډاکټر توفیق احمد په سوډان هېواد کې د اسلامي سازمان مسؤول او ډاکټر ایمر یوکس چې په ترکیې هېواد کې د خوراکي توکو د مسؤنیت مسؤول دی او ورسره مل پلاوی د لوګر ولایت د کرنې اومالدارۍ ریاست مسؤولینو سره ګډه ناسته وکړه.
یاده ناسته د لوګر ولایت د کرنې، اوبولګولو او مالدارۍ ریاست په مقام کې جوړه شوی وه، د لوګر ولایت د کرنې او مالدارۍ رییس مولوی سید امین هاشمي راغلی پلاوی ته د ښه راغلاست ترڅنګ وویل او تر څنګ یې له هغوی وغوښتل، تر څو د یاد ولایت د بزګرانو او بڼوالو لاسنیوی وکړي او هغوی ته یې د پروژو دتطبیق او امنیتي برخه کې پوره ډاډ ورکړ.
له ناستې وروسته راغلي پلاوی د لوګر ولایت برکي برک ولسوالی ته د سفر په لړ کې د یادې ولسوالی له بزګرانو او بڼوالو سره وکتل د هغوی ستونزې یې واوریدې او د کرنې د میکانیزه کولو اړوند یې د مرستو ډاډ څرګند کړ.
راغلی پلاوی په خپلو خبرو کې وویل، چې د دغه ولایت د بزګرانو او بڼوالو ستونزو ته به رسېدنه وکړي او له دغه سفر څخه یې موخه د بزګرانو او بڼوالو ستونزې په ګوته کول او له دوی سره مرسته یاده کړه.
