د پکتیا میرزکي کې پر لسګونو بڼوالو د بڼوالۍ توکي ووېشل شول
۲۹ زمری ۱۴۰۲ه.ش
۳ صَفَرُ المُظَفَّر ۱۴۴۵ه.ق
د پکتیا ولایت د کرنې، اوبولګولو او مالدارۍ ریاست اړوند د اړیکو دفتر لخوا ۱۳۱ بڼوالو ته د بڼوالۍ توکی ووېشل شو.
د دغو توکو په وېش غونډه کې د میرزکې ولسوالی ولسوال الحاج مولوي عبدالرحمن حبیبي، مرستیال ولسوال خالد احمد سجاد، د یادی ولسوالی د ترویج عمومي مدیر ذبیح الله ایوبي، د اړیکو دفتر مسئولینو او بڼوالو ګډون کړي ؤ.
ښاغلی ایوبي په خپلو خبرو کی وویل، چې د نوې تکنالوژۍ د ترویجولو، د مڼو حاصلاتو د راټولو او د زیانمنیدو څخه د مخنیوي په موخه هر بڼوال ته یوه د مڼو راشکولو آله، ۸ دانې پلاستیکي سبتونه او د مڼو د اندازې معلومولو کړۍ ووېشل شوې.
ددې مرستې موخه د بېوزله بڼوالو ملاتړ او په ټوله کې د بڼوالۍ سکټور ودې او پرختیا ته زمینه برابرول دي.
