هلمند کې د کرنیزو کوپراتیفونو د ارزونې چارې پیل شوې 

۲۳ زمری ۱۴۰۲ه‍.ش
۲۷ مُحَرَّمُ الحَرام ۱۴۴۵ه‍.ق
د هلمند ولایت د کرنې، اوبولګولو او مالدارۍ ریاست لخوا، د کرنې وزارت په لارښؤنه، په دې ولایت کې د کرنیزو کوپراتیفونو د ارزونې چارې چې له وړاندې پیل شوي دي دوام لري. 
د ارزونې او څارنې دغه پروسه د یوه ګډ پلاوي لخوا ترسره کېږي، چې په ترکیب کې یې د ولایت مقام، امنیې قوماندانۍ او کرنې ریاست دوه تنه استازي شامل دي .
د ارزونې دغه لړۍ په دې موخه ترسره کېږي ترڅو یاد کوپراتیفونه په نوي طرزالعمل ثبت او خپلې چارې د یادې کړنلارې مطابق مخې ته یوسي.
تر دې مهاله د یادې پروسې په لړ کې دنادعلی ولسوالی دبغرا په نوم کوپراتیف ، دګریشک ولسوالی د نیک زایی، بابادریاب، ابپاشک، اببازانو. دګرمسیر ولسوالی د جنګیزایي، ده ذکریا، صالح بابا، اتفاق، اتحاد هزارجفت، د ناوې ولسوالی دباغ رباط او د ترمه خماري کرنیزو کوپراتیفونو د مدیره پلاوی سره ناستې ترسره شوي دي او د نوي طرزالعمل په اړه هر اړخیزه معلومات ورکول شوي .
د یادولو وړ ده، چې هلمند کې دا مهال نږدې ١٣٠ بابه کرنیز کوپراتیفونه ثبت دي، چې له مخې به یې فعال او غیر فعاله کوپراتیفونه په نښه او د نوي طرزالعمل له مخې به یې چارې عیارې شي.