خوست کې یوشمېر کروندګر وروزل شول
٢۲ زمری ۱۴۰۲ه.ش
٢۶ مُحَرَّمُ الحَرام ۱۴۴۵ه.ق
د خوست د کرنې، اوبولګولو او مالدارۍ ریاست وایي، چې ددې ریاست د فني کارکوونکو له خوا یوشمېر کروندګر د بڼونو او سویابینو ناروغیو د کنټرول و مخنیوی په برخه کې روزل شوي دي.
د چارواکو په خبره په دې پروګرام کې هغه بڼوال، چې دکرنې وزارت د بڼوالۍ ځنځیري ارزښت د ودې پروژې له خوا ورته بڼونه جوړ شوي دي د بڼونو د ناروغیو او ترڅنګ یې یوشمېر نور ګروندګر د ای ډي اي موسسې له خوا په سویابینو او لوبیا کې د ناروغیو د مخنیوي په هکله یوشمېر کروندګرو ته معلومات وړاندي شوي دي.
دغه راز د (آي،ډي،ای) موسسې له خوا په دې ولایت کې د دوو ورخونو د جوړولو سروې هو ترسره شوي دي، چې رغنیزې چارې به یې ډېر ژر پيل شي.
