د لوګر خروار کې د وټرنرۍ کلینیک ګټې اخیستنې ته وسپارل شو
١۵ زمری ۱۴۰۲ه.ش
١۹ مُحَرَّمُ الحَرام ۱۴۴۵ه.ق
د لوګر ولایت دکرنې، اوبولګولو او مالدارۍ ریاست په هلو ځلو، ددې ولایت د خروار ولسوالی څارویو لرونکو ته د چوپرړتیاوو وړاندې کولو او په ټوله کې د مالدارۍ سکټور د ودې او خوندیتوب د هلوځلو په دوام د کرنې د پراختیا نړیوال صندوق په مالي او د افغانستان لپاره د هالنډ کمېټې په تخنیکي همکارۍ ددې ولایت اړوند خروار ولسوالی کې د څارویوکلینیک جوړ اوګټې اخیستنې ته سپارلی دی.
د یاد کلینیک په پرانیست غونډه کې د خروار ولسوالی مسؤولینو، د کرنې مدیریت کارکوونکو، د افغانستان لپاره د هالنډ کمېټې استازو او قومي سپین ږیرو ګډون کړی وو.
باید وویل شي، چې په یاد کلینیک شاو خوا دولس زره آمریکایي ډالر لګښت راغلی، چې نږدې شپږ زره کورنۍ به ترې ګټه پورته کړي.
دخروار ولسوالی دکرنې مدیر مولوی امدادالله په وینا، یو کس ته د شپږو میاشتو لپاره د مالدارۍ او وترنرۍ خدمتونو په برخه کې روزنه ورکړل شوې او ورته د وترنرۍ اړوند وسایل هم وېشل شوی دی.
