۸۰ هزار دوز واکسین بیماری «پی‌پی‌آر» برای کلینیک‌های صحت حیوانی در ولایت جوزجان توزیع شد
۴ حمل ۱۴۰۴ هـ.ش
ریاست زراعت، آبیاری و مالداری ولایت جوزجان به هدف جلوگیری از شیوع بیماری‌های حیوانی، ۸۰ هزار دوز واکسین بیماری «پی‌پی‌آر» را برای ۲۶ واحد کلینیک‌های صحت حیوانی این ولایت توزیع کرد.
این روند با همکاری مالی سازمان خوراکه و زراعت ملل متحد و در حضور رستم کریمی آمر امور زراعتی ریاست زراعت جوزجان، عملی گردید.
به گفته مسئولین، این واکسین‌ها به گونه رایگان در قریه‌جات ولسوالی‌ها و مرکز شهر شبرغان توسط کلینیک‌های صحی حیوانی تطبیق می‌شود تا از بروز و شیوع امراض حیوانی جلوگیری شده و به مشکلات مالداران رسیدگی صورت گیرد.
