کمپاین تطبیق واکسین بیماری جلدی حیوانات در ولایت جوزجان آغاز شد
۳ میزان ۱۴۰۳ هـ.ش
ریاست زراعت، آبیاری و مالداری ولایت جوزجان بمنظور وقایه و تداوی مواشی مالداران قریجات شهر شبرغان و ولسوالی‌های ده گانه آن ولایت کمپاین تطبیق واکسین بیماری جلدی حیوانات را آغاز کرد.
در این کمپاین به مقدار ۵۰ هزار دوز واکسین (ال.اس.دی) به همکاری سازمان خوراکه زراعت ملل متحد در افغانستان توسط ۱۸ نفر مسولین کلینیک‌های ساحوی وترنری برای حیوانات در قریجات مرکز شبرغان و ولسوالی‌های ده گانه ولایت جوزجان تطبیق می‌گردد.
هدف از راه اندازی این کمپاین جلوگیری از بیماری حیوانی لمپی اسکین و تطبیق واکسین برای حیوانات گاو و گوساله میباشد.
