د هلمند ناوې ولسوالی کې عمومي بڼ جوړېږي
د هلمند ولایت د کرنې، اوبولګولو او مالدارۍ ریاست لخوا په دې وروستیو کې هلې ځلې پیل شوي دي تر څو ددې ولایت مرکز په ګډون په ګڼو ولسوالیو کې د نیالګیو روزلو قوریې له سره ورغوي، کرنې ته یې چمتو کړي او پکې د بڼوالو لپاره بیېابېل اصلاح شوي نیالګي وروزي.
په همدې موخه ددې ادارې اړوند د طبیعي سرچینو آمریت لخوا، د ولایت مقام په همکارۍ د یوه ګډ پلاوي په حضور کې د ناوې ولسوالی په جنوب ختیځه سیمه کې د عمومي بن په موخه ۱۲ جریبه ځمکه د نوو نیالګیو روزلو او مورنیو بڼونو جوړولو په موخه کرنې ته چمتو شوه.
نوموړې ځمکه چې د کلونو راهیسې پکې کرنیز فعالیتونه نه دي تر سره شوي او ځمکه یې په ځنګل اوښتې وه دامهال په فني ډول کرنې ته چمتو شوې ده.
په یاده ځمکه کې به د ځانګړي پلان له مخې د مېوه یي ونو ننداریز بڼونه او د بزګرو د اړتیا وړ بېلابېل نیالګي وروزل شي .
