سږکال د کندز د هندواڼو حاصل نږدې ۱۰۰ زره ټنو ته رسیږي

content_admin
پنجشنبه ۱۳۹۹/۳/۲۲ - ۱۱:۱۴
سږکال د کندز د هندواڼو حاصل نږدې ۱۰۰ زره ټنو ته رسیږي
۲۱ غبرګولی ۱۳۹۹
د کندز ولایت د کرنې، اوبولګولو او مالدارۍ ریاست ارزونې او وړاندوینې ښیي، چې په دې ولایت کې د هندواڼو د پالیزونو د حاصل سږنۍ کچه به نږدې ۱۰۰ زره ټنو ته ورسیږي.
د کندز ولایت د کرنې، اوبولګولو او مالدارۍ رییس عبدالهادي قرلق وایي، چې سږکال د هندواڼو پالیزونو لپار اقلیمي شرایط ښه و او دغه راز د هندواڼو کرکېله هم زیاته شوې ده. هغه وویل: «سږکال په نږدې درې زره او ۴۶۰ هکټاره ځمکه کې هندواڼې کرل شوې، چې د تولید کچه یې څه باندې ۱۰۰ زره مټریک ټنه اټکل شوې ده.»
تېرکال د کندز په درې زره او ۳۳۴ هکټاره ځمکه کې هندواڼې کرل شوې وې او د ارزونې له مخې له دغو کروندو څخه نږدې ۹۳ زره او ۳۵۲ ټنه هندواڼې لاسته راغلل.
د کندز د کرنې رییس وویل: «سږکال د هندواڼو د کرکېلي کچه نږدې ۱۲۶ هکټاره زیاته شوې ده او په همدې توګه د اټکل له مخې د هندواڼو په تولید کې به هم نږدې اووه زره ټنه زیاتوالی راشي.»
د کندز د کرنې رییس زیاته کړه، چې سږکال د خټکیو پالیزونه هم نږدې ۱۷ هکټاره زیاته شوې ده. هغه وویل: «په روان کال کې د خټکیو د کرکېلي سیمې نږدې څلور زره او ۳۶۵ هکټاره او تولید یې هم نږدې ۱۰۲ زره او ۴۰۰ ټنه اټکل شوې ده.»
په همدې حال کې یوشمېر بزګران وایي، چې سږکال د هندواڼو او خټکیو د حاصلاتو کچه ډېر ښې ښکاري.
دګل تپې ولسوالۍ یو تن بزګر ظریف چې ۲۸۰ جریبه ځمکه کې یې هندواڼې او خټکي کرلي وایي، چې سږکال به یې د حاصلاتو کچه ډېر وي. هغه وویل، چې په معمولي ډول سږکال یوه هندواڼه ۱۶ کیلو ګرام وزن لري. دغه بزګر د حاصلاتو پر زیاتوالي خوښ دی خو وایي: «موږ له دولته خواړو چې له موږ سره همکاري وکړي، ترڅو زموږ هندواڼې او خټکي په ټیټه بیه ونه پلورل شي او باید موږ ته سړې خونې جوړې شي تر څو موږ خپل محصولات د بازار اړتیاو ته په کتو بازار ته وړاندې کړو.»
په همدې حال کې د کندز د کرنې ریاست چارواکي وايي، چې ددې ولایت بزګران ملاتړ شوي دي او په دې وروستیو کې په دې ولایت کې د کرنیزو محصولاتو مدیریت د پروژو د پلي کېدو چارې پیل شوي دي. د کندز د کرنې ریاست په خبره د پیازو د ۱۰۴ زېرمتونونه، د کچالو ۱۵ زېرمتونونه، ۱۰۲ ممیزخونې او د سارک موډل صفر انرژۍ پنځه سړې خونې د جوړولو چارې پیل شوي چې، ټاکل شوې تر راتلونکو څو میاشتو پورې به یې چارې بشپړ او ګټې اخیستنې ته وسپارل شي. خو باید وویل شي، چې دغه زېرمتونونه د هندواڼو او خټکیو د ساتلو ځانګړتیا نه لري.

تازه ترین اخبار

شنبه ۱۴۰۴/۷/۲۶ - ۱۵:۲۴
Background image

کرنې وزارت کې د قدرتي سرچینو دعوایدو د تظیم په پار غونډه دایره شوه


۲۶ تله ۱۴۰۴ هـ.ش
۲۵ رَبِیعُ الْثاني ۱۴۴۷ هـ.ق
د افغانستان د قدرتي سرچینو د عوایدو د تنظیم غونډه د کرنې، اوبولګولو او مالدارۍ وزارت د مالي او اداري مرستیال ملا آغاجان آخوند «حاجي سالم». . .

شنبه ۱۴۰۴/۷/۲۶ - ۱۴:۴۸
Background image

کرنې وزارت کې د مدیریت اړوند درې ورځنی رونیز پروګرام پیل شو

۲۶ تله ۱۴۰۴ هـ.ش
۲۵ رَبِیعُ الْثاني ۱۴۴۷ هـ.ق
د کرنې، اوبولګولو او مالدارۍ وزارت د کارکوونکو چارو ریاست له لوري د یاد وزارت یو شمېر کارکوونکو لپاره د مدیریت اړوند درې ورځنی روزنیز. . .

شنبه ۱۴۰۴/۷/۲۶ - ۱۴:۳
Background image

د کرنې او مالدارۍ مرستیال په پکتیکا کې له کرنیزو او پراختیایي پروژو څخه لیدنه وکړه 

۲۶ تله ۱۴۰۴ هـ.ش
۲۵ رَبِیعُ الْثاني ۱۴۴۷ هـ.ق
د کرنې، اوبولګولو او مالدارۍ وزارت د کرنې او مالدارۍ مرستیال مولوي صدراعظم عثماني، پکتیکا ولایت ته د خپل سفر په ترڅ کې په دې ولایت کې له یو. . .

بازگشت