د غزني د آلوبخاروو حاصل څه باندې دوه زره ټنو ته ورسېد

mail-admin
پنجشنبه ۱۳۹۹/۷/۳ - ۲۲:۳۰
حاصلات آلوبخارای غزنی به بیش از دوهزار تُن رسید


۳ تله ۱۳۹۹
د غزنې ولایت د کرنې، اوبولګولو او مالدارۍ رایاست وایي، چې سږکال د الوبخاروو له ۲۶۰ بڼونو څخه څه باندې دوه زره متریک ټنه حاصل تر لاسه شوې ده.
د غزنې د کرنیزو چارو امر عبدالولي کوچې وايي، چې د غزنې په ولایت کې د الوبخارا څلور ډولونه کرل شوي دي، چې تر ټولو نوموتي هغه یې «دل ګنجشک» دی او نړیوال بازار لري. د هغه په خبره، د غزني آلوبخارا له هېواده بهر هند، پاکستان، متحده عربي امارات، انګلستان، امریکا او کانادا ته هم صادریږي.
د «پدیده غزنه» د شرکت مسوول حیات الله شفاهي وايي، چې د نورو ولایتونو په پرتله په غزنې کې آلوبخارا ډېر تولیدیږي. هغه وویل، چې ددې ولایت آلوبخارا لوړه بیه لري، چې دمګړۍ د غزني په بازارونو کې یوه کیلو وچ آلوبخارا په ۲۰۰ افغانیو خرڅیږي.
ښاغلی شفاهي وویل، چې د غزني د آلوبخاروو د تولید او پروسس په برخه کې لویه ستونزه بسته بندي ده. هغه وویل، چې داستونزه ددې لامل شوې، چې ددې ولایت آلوبخارا په غېرمعیاري ډول او په ټیټه بیه له هېواده بهر بازارونو ته صادر او وپلورل شي.
د «پدیده غزنه» شرکت د فصل د راټولو په موسم کې د ورځې په منځنۍ کچه تر ۱۰۰ منه آلوبخارا پروسسوي او ددې محصول په پروسس کې مېرمنې اساسي ونډه لري.
فریبا مهرزاد هغه مېرمن ده، چې په دې شرکت کې د آلوبخارا د پروسس په برخه کې کار کوي. هغه وویل، چې په دې شرکت کې په کار کولو سره توانیدلې ده، چې د خپلې کورنۍ یوشمېر اقتصادي ستونزې هوارې کړي.
د هېواد په کچه د الوبخاراوو څلور زره او ۲۹۴ بڼونه شتون لري، چې د في هکټار حاصل یې اووه مټریک ټنه اټکل شوې ده.
آلوبخارا د کابل، غزني، لوګر، پروان، کندهار، زابل او میدان وردګو په ولایتونو کې تولیدیږي. په دې ډله کې غزني تر ټولو زیاد او باکیفیته آلوبخارا تولیدوي.

تازه ترین اخبار

پنجشنبه ۱۴۰۴/۵/۹ - ۱۱:۵۲
Background image

د خوست ولایت تڼیو ولسوالی کې د ځنګلونو ساتنې او خوړو خوندیتوب لپاره ۵۰ لمریز پخلنځي ووېشل شول

۹ زمری ۱۴۰۴ هـ.ش
۶ صَفَر المُظَفَّر ۱۴۴۷ هـ.ق
د خوست ولایت د کرنې، اوبولګولو او مالدارۍ ریاست د طبیعي سرچینو آمریت او د اړیکو دفتر په مالي همکارۍ، د تڼیو ولسوالی په کمکې ماڼې سیمه کې د. . .

پنجشنبه ۱۴۰۴/۵/۹ - ۱۱:۴۶
Background image

هډې فارم کې د ننګرهار وادي کرنیز شرکت د امو د حاصلاتو بریالی فصل

۹ زمری ۱۴۰۴ هـ.ش
۶ صَفَر المُظَفَّر ۱۴۴۷ هـ.ق
هډې فارم پورې اړوند د ننګرهار وادي کرنیز شرکت د ثمرخېلو قوریه کې د ام (مېنګو) بوټو وده سږ کال د پام وړ وه، او حاصل یې په بریالیتوب سره. . .

پنجشنبه ۱۴۰۴/۵/۹ - ۱۱:۴۴
Background image

کندهار کې د هندواڼو، خټکیو او انګورو سږني حاصلات د پام وړ زیات شوي

۹ زمری ۱۴۰۴ هـ.ش
۶ صَفَر المُظَفَّر ۱۴۴۷ هـ.ق
د کندهار د کرنې، اوبولګولو او مالدارۍ ریاست د کرنیزو چارو آمریت د معلوماتو له مخې، سږ کال په دغه ولایت کې د هندواڼو، خټکیو او انګورو حاصلات. . .

بازگشت