د کندهار کوهکران څیړنیز فارم کې د انځر ۸ ډوله ورایټیو څخه د قوریې جوړولو چارې بشپړې شوې

mail-admin
چهارشنبه ۱۴۰۳/۱۲/۱ - ۱۵:۱۷
د کندهار کوهکران څیړنیز فارم کې د انځر ۸ ډوله ورایټیو څخه د قوریې جوړولو چارې بشپړې شوې

۱  کب ۱۴۰۳ه‍.ش
۲۰ شَعبان المُعَظّم ۱۴۴۶ه‍.ق
د کرنې، اوبو لګولو او مالدارۍ وزارت د طرزالعمل له مخې، د کندهار کرنې، اوبو لګولو او مالدارۍ ریاست په رهبرۍ او د کوهکران څیړنیز فارم د مسلکي انجنیرانو په تخنیکي همکارۍ، د انځر د ۸ ډولونو (ورایټیو) له ۱۶۰۰ قلمونو څخه د قوریې جوړولو چارې بشپړې شوې. په یادو قلمونو کې ۷ د کوهکران څېړنیز فارم او ۱ لوړ شاولیکوټ ورایټي شاملي دي. چې د هرې ورایټۍ څخه ۲۰۰ قلمونه وکرل شوه، ترڅو د انځر مختلف ډولونه وازمویل شي او غوره ورایټۍ وپېژندل شي.
د دې قوریي موخه د راتلونکي کال لپاره د انځر د نوي ډولونو موندل او پراختیا ورکول دي. یاده قوریه، چې شاوخوا ۱۰۰ متره مربع ځمکه لري، د کرنې، اوبو لګولو او مالدارۍ وزارت د طرزالعمل پر بنسټ کرل شوې او تمه ده چې د یو کال په اوږدو کې به دا قلمې نه یوازې د کندهار، بلکې نورو ولایتونو ته هم د انځر د نویو ډولونو د تولید او پراختیا لپاره واستول شي.
د قوریو جوړولو اساسي موخه د نیالګیو روزنې ته وده ورکول، د مېوه لرونکو ونو تولید زیاتول، او د هېواد په کچه د نویو مېوو ترویج دی، ترڅو د بېلابېلو میوو کرنه زیاته شي او نوي نباتات عام شي.
د یادونې وړ ده، چې تېرې اوونۍ هم د کندهار په ژړۍ ترویجي او شاولیکوټ په منګالي روزنیز فارم کې پر ۱۰ جریبه ځمکه د ۱۰۰ زره نیالګیو لپاره د قوریې کرلو چارې پیل شوې وې.

تازه ترین اخبار

پنجشنبه ۱۴۰۳/۱۲/۲ - ۱۱:۵۱
Background image

د کرنې، اوبو لګولو او مالدارۍ وزیر سرپل ولایت ته سفر وکړ


۲ کب ۱۴۰۳ه‍.ش
۲۱ شَعبان المُعَظّم ۱۴۴۶ه‍.ق
د کرنې، اوبو لګولو او مالدارۍ وزیر مولوي عطاالله عمري سرپل ولایت ته د سفر په ترڅ کې د سرپل له والي مولوي محمد ظریف مظفر، د سرپل د کرنې له. . .

پنجشنبه ۱۴۰۳/۱۲/۲ - ۱۱:۸
Background image

د کابل شکردرې ولسوالی کې د بڼونو خوندیتوب په پار هڅې

۲ کب ۱۴۰۳ه‍.ش
۲۱ شَعبان المُعَظّم ۱۴۴۶ه‍.ق
دکابل دکرنې، اوبولګولو او مالدارۍ ریاست ددې ولایت د شکردرې په ولسوالی کې د مېوو بڼونو د خوندیتوب په پار د لایم سلفر درمل کارولو چارې پیل کړي. . .

پنجشنبه ۱۴۰۳/۱۲/۲ - ۱۰:۳۷
Background image

د کرنې وزارت د مالي او اداري مرستیالۍ مالي او تدارکاتي سلاکار معرفي شو 

۲ کب ۱۴۰۳ه‍.ش
۲۱ شَعبان المُعَظّم ۱۴۴۶ه‍.ق
مولوي سلیمان ایمن د کرنې وزارت د مالي او اداري مرستیالۍ د مالي او تدارکاتي سلاکار په توګه معرفي شو او رسماً یې خپل کار پیل کړ.
د معرفي په. . .

بازگشت