پکتيا ولایت کې شپږ زره بزګرانو باندي د غنمو اصلاح شويو تخمونو او کيمياوي سرو د ويش لړۍ پيل شوه
۲۰ لړم، ۱۴۰۰ ه.ش
۵ ربیع الثاني، ۱۴۴۳ ه. ق
پکتيا ولايت د کرنې، اوبولګولو او مالدارۍ رياست له لورې د خيريه موسسو په ملاتړ، ددې ولايت احمد ابا، سيدکرم، احمدخيلو، لجه منګل، ډنډ پټان، ځاځي اريوب او زرمت ولسواليو کې شپږ زره اړمنو بزګرانو ته د غنمو اصلاح شويو تخمونو او کيمياوي سرو د ويش لړۍ پيل شوه.
د کرنې رياست سرپرست رییس،عبدالروف سعيد وويل، د ياد پروګرام له لارې هر بزګر ته ۵۰ کيلو ګرامه د غنمواصلاح شوي تخم، ۵۰ کيلو ګرامه توره سره او ۵۰ کيلو سپينه سره په وړيا ډول ورکول کيږي. د ښاغلی سعيد په وینا د ياد پروګرام له تطبيق څخه يې موخه د اړمنو بزګرانو پر پښو درول دي.
