د هلمند نادعلي کې د اوبولګولو د یوې کانال د رغولو چارې بشپړ او ګټې اخیستنې ته وسپارل شو
![د هلمند نادعلي کې د اوبولګولو د یوې کانال د رغولو چارې بشپړ او ګټې اخیستنې ته وسپارل شو](https://www.mail.gov.af/sites/default/files/2019-12/80781614_2908413702516544_1223207102512627712_o.jpg)
۲۵ لېندۍ ۱۳۹۸
د هلمند د کرنې اوبولګولو او مالدارۍ ریاست له خوا ددې ولایت د نادعلي ولسوالۍ د ځنګل په سیمه کې د اوبولګولو د یوې کانال د رغولو چارې بشپړ او ګټې اخیستنې ته وسپارل شو.
د هلمند د کرنې ریاست چارواکي وایي، دغه کانال چې ټولیز اوږدوالی یي ۹۲۳ مترو ته رسیږي درې زره جریبهکرنیزې ځمکې خړوبوي.
ددې پروژې ټولیز لګښټ ۱۳میلیونه، ۳۰ زره او ۶۸۰ افغانۍ ده.
د اوبولګولو دیاد کانال د جوړولو په ترڅ کې د سیمې یو شمېر اوسیدونکو ته د کار زمینه هم برابره شوې وه. د یادونې وړ ده، چې د یاد کانال په جوړولو سره به د اوبو په ضایعاتو کې د پام وړ کمښت راشي او د کروندګرو د حاصلاتو د لوړېدو لامل به هم شي. یاد کانال ۴۰ سلنه د اوبو له ضایعاتو څخه مخنیوی کوی او همداراز د هغو ځمکو کرنیز محصولات به هم ۲۰ سلنه لوړ شي چې، د دې کانال له لارې خړوبیږي.