کندهار کې د پستې بڼونو د پیوند چارې پیل شوې
![کندهار کې د پستې بڼونو د پیوند چارې پیل شوې](https://www.mail.gov.af/sites/default/files/2019-09/70673713_2723457124345537_8288205545953820672_n.jpg)
۲ تله ۱۳۹۸
د کندهار دکرنې، اوبولګولو او مالدارۍ ریاست د کرنې وزارت د بڼوالۍ اومالدارۍ ملي برنامې «NHLP» په همکارۍ په دې ولایت کې د پستې بڼونو د پیوند چارې عملاً پیل کړي دي. د کندهار د کرنې ریاست چارواکي وایي، چې په دې لړۍ کې به د پستې ۶۵۰ جریبه بڼونه پیوند شي، او ترڅنګ یې د پستې بڼوالو ته به د پیوند عملي لارې چارې هو وښودل شي.
د کندهار د کرنې ریاست وایي، چې د همکارو موسسو او خلکو په همکارۍ په تېرو درېوو کلونو کې په دې ولایت کې د پستې څه باندې دوه زره جریبه نوی بڼونه جوړ شوي دي، چې ډېره ښه پایله یې هم ور کړې ده.
د کندهار د کرنې ریاست چارواکي وایي، چې په راتلونکو څو کلونوکې د انارو، انګورو او انځرو ترڅنګ پسته به هم ددې ولایت د صادراتو په لست کې شامل شي.
په کندهار کې د پستې دوه زره جریبه نوي بڼونه په داسې حال کې جوړ شوي دي، چې یاد ولایت د تازه مېوو له ډلې انګور او انارو په برخه کې مخکښ ولایت دی. د دغو بڼونو ښې پایلې نور کروندګر هم هڅوی، چې په خپلو ځمکو کې د پستې بڼونه جوړ کړي.