د بوټو ساتنې او قرنطین رییس د کرنیز آفت وژونکو او کیمیاوي سرو متشبثینو سره وکتل
۳۰ غبرګولی ۱۴۰۲ه.ش
۲ ذیالحِجّة ۱۴۴۴ ه.ق
دکرنې، اوبولګولو او مالدارۍ وزارت د بوټو ساتنې او قرنطین ریاست رییس عتیق الله مسلم په مشرۍ د کرنیز آفت وژونکو، کیمیاوي او عضوي سرو متشبثینو سره غونډه دائره شوه.
دغه غونډه، چې ددې ریاست د غونډو په تالار کې جوړه شوې وه موخه یې د باکیفیته او غوره کرنیز آفت وژونکو او سرو واردول، د غیر معیاري او غیر مجازو توکو خرڅلاو مخنیوی او د کرنیز آفت وژونکو او سرو د قانون او اصولو مراعات کول ؤ.
په دې غونډه کې دکرنې، اوبولګولو او مالدارۍ وزارت د بوټو ساتنې او قرنطین ریاست رییس عتیق الله مسلم د قانون او اصولو پر پلي کولو ټینګار وکړ.
یاده غونډه کې ددې ریاست قوانین او کړن لارې هم د غونډې ګډونوالو ته وړاندې شول او ترڅنګ یې د متخصصینو له خوا د یوشمېر ګډونوالو پوښتنو ته ځوابونه ورکړل شول.
