د پکتیکا کرنیزو سوداګرو او متشبیثینو ته د بالاعوضو مرستو د ترلاسه کولو په پار روزنه ورکړل شوه

۱۰ غبرګولی ۱۴۰۰
د پکتیکا ولایت د کرنې،  اوبولګولو او مالدارۍ ریاست چارواکي وایي، چې د بڼوالۍ ځنځري ارزښت د ودې سکتوري پروژې له لارې د یاد  ولایت ګڼو کرنیزو سوداګرو او متشبیثینو ته روزنه ورکړل شوه.
د پکتیکا ولایت د کرنې رییس فضل الربي زمانزی وایي، چې د کرنې، اوبولګولو او مالدارۍ وزارت د بڼوالۍ ځنځیري ارزښت د ودې سکټوري پروژې «HVCDSP»له لارې د یاد ولایت ۲۴ کرنیزو سوداګرو او متشبیثنو ته د مېوو او سبوو د کرنیزې سوداګرۍ په پار هر اړخیزه روزنه ورکړل شوه،  تر څو په شرایطو برابرو سوداګرو او متشبیثینو د هڅونې تر څنګ دوی د بلاعوضو مرستو څخه برخمن شي.
د پکتیکا د کرنې ریاست د بېلابېلو ورکشاپونو له لارې هلې ځلې کوي، تر څو په بېلابېلو برخو کې کروندګر او د کرنیزو محصولاتو سوداګر وروزي،  چې په پار یې د کرنې ریاست له لورې ګڼې برنامې هم پلي شوي دي.